婚禮化妝師培訓班 (Koey導師)
每年只收一次生 最多7人
由淺入深 共40堂
要成為化妝師不難亦不易
範疇亦好多，這個課程專為婚禮化妝而編寫
我自己經歷由係大化妝學校讀晒所有類別 舞台 特技 新娘等⋯
到最後讀完好冇方向 而且唔夠專門
再經歷過係兩間大學校到做助教
發現要入行最易最彈性最開心就係婚禮化妝師
所以跟了師傅做助手重新起步，了解行情
不停再搵現職化妝師報班進修
但原來發現每個人嘅手勢都不一樣
而且原來自己嘅根基亦都不夠好
跌跌碰碰摸索了幾年先有成積
回頭想要成為新娘化妝師並不簡單
首先要做到新娘化妝師，
必須要經歷過化姊妹媽媽宴會PREWEDDING
這都是成為新娘化妝師的根基
技巧一步一步層遞上去的
所以我們並沒有一步到位的新娘化妝班
只有培訓班40堂
只有全面的學會婚禮上會接觸到的化妝先夠真正入行
化妝始終是手藝
一個比較長的課程可以不停練習 修正手勢
需要付出很多時間的
最近又有新體會 加入左課程裏面
除咗練習化妝整頭
下一步要訓練影相技巧 如何運用社交媒體
都會一一分享
將我自己10年由學化妝到做化妝嘅經歷濃縮左40堂，不會行冤枉路😉
Search